अलिबाग (प्रतिनिधी) : आगामी जिल्हा परिषद निवडणुकीच्या पार्श्वभूमीवर शहापूर मतदारसंघात अमित नाईक यांच्या समर्थनाला दिवसेंदिवस वाढती गती मिळताना दिसत आहे. स्थानिक पातळीवर त्यांना सर्वसामान्य नागरिकांपासून ते तरुण वर्गाकडून मोठा प्रतिसाद मिळत असून, मतदारसंघात त्यांचा विजय निश्चित असल्याची चर्चा रंगू लागली आहे.
अमित नाईक यांनी गेल्या काही वर्षांपासून स्थानिक समस्यांवर सातत्याने आवाज उठवून लोकांमध्ये विश्वास निर्माण केला आहे. विकासकामांप्रती त्यांचा प्रामाणिक दृष्टिकोन आणि सर्व घटकांना समान न्याय देण्याच्या त्यांच्या भूमिकेमुळे मतदारांचा ओढा त्यांच्या बाजूने वाढत आहे. विशेषतः तरुण वर्गाने त्यांच्या नेतृत्वावर विश्वास दाखवत मोठ्या संख्येने साथ देण्याचा निर्णय घेतला आहे.
सामाजिक उपक्रम, शिक्षण, क्रीडा आणि रोजगाराच्या संधी यांसारख्या क्षेत्रांमध्ये त्यांनी केलेल्या कामामुळे जनतेमध्ये त्यांची सकारात्मक प्रतिमा निर्माण झाली आहे. त्यामुळे शहापूर जिल्हा परिषद मतदारसंघात अमित नाईक यांना प्रचंड जनसमर्थन मिळत असून, आगामी निवडणुकीत त्यांना निर्णायक आघाडी मिळण्याची शक्यता व्यक्त केली जात आहे.
