रायगड (प्रतिनिधी): भारतीय जनता पार्टी महिला मोर्चाच्या दक्षिण रायगड जिल्हा उपाध्यक्षपदी ॲड. मनस्वी महेश मोहिते यांची नियुक्ती करण्यात आली आहे. जिल्हा महिला मोर्चा अध्यक्षा डॉ. चित्रा आस्वाद पाटील यांनी नियुक्तीपत्र प्रदान करून या नियुक्तीची अधिकृत घोषणा केली.
महिला सक्षमीकरणाला चालना देणारा हा निर्णय संपूर्ण जिल्ह्यासाठी आनंदाचा विषय ठरला आहे. भाजपा महिला मोर्चा ही संघटना समाजातील नारीशक्तीला अग्रक्रम देणारी असून, नव्या नेतृत्वामुळे विविध सामाजिक उपक्रम आणि महत्त्वपूर्ण राजकीय मोहिमांमध्ये महिलांचा सहभाग वाढण्याची अपेक्षा व्यक्त केली जात आहे.
ॲड. मनस्वी महेश मोहिते या त्यांच्या कार्यक्षमता, सामाजिक योगदान आणि महिला सक्षमीकरणाच्या दृष्टीकोनासाठी परिचित आहेत. महिलांच्या प्रश्नांना न्याय देत विकासाचा नवा अध्याय लिहिण्यासाठी त्यांची ही नियुक्ती मोलाची ठरेल. महिला नेतृत्वाच्या बळकटीमुळे भाजपच्या राष्ट्रनिर्माणाच्या संकल्पनेलाही अधिक गती मिळेल, असा विश्वास व्यक्त करण्यात आला आहे.
