अलिबाग (प्रतिनिधी): जिल्हा क्रीडा अधिकारी मुंबई शहर यांच्या संयुक्त विद्यमाने व मलबार हील नेपियन्सी मुंबई शहर यांच्या विद्यमाने विभागीय शालेय मैदानी क्रीडा स्पर्धा २०२५/२०२६ चे आयोजन करण्यात आले होते या स्पर्धेमध्ये पीएनपी होली चाईल्ड स्कूल वेश्वी अलिबाग शाळेतील विद्यार्थिनींने घवघवीत यश संपादन केले.
यामध्ये १७ वर्षा खालील मुली या गटात रिंजल रामा चिटके बांबू उडी स्पर्धेमध्ये तृतीय क्रमांक, १९ वर्षा खालील मुली या गटात लावण्या अतिश पाटील
बांबू उडी स्पर्धेमध्ये प्रथम क्रमांक मिळवून त्यांची महाराष्ट्र राज्य मैदानी क्रीडा स्पर्धेत निवड झाली आहे.
या नेत्रदीपक यशाबद्दल पीएनपी संस्थेच्या कार्यवाह चित्रलेखा पाटील, होली चाईल्ड एसएससी बोर्डच्या मुख्याध्यापिका निसर्गा चेवले, उपमुख्याध्यापिका शर्मिला शेटे, क्रीडा मार्गदर्शक अक्षय डाकी, शिक्षक व शिक्षकेतर कर्मचाऱ्यांनी अभिनंदन करून पुढील वाटचालीसाठी शुभेच्छा दिल्या.
