अलिबाग (प्रतिनिधी): पीएनपी होली चाईल्ड सीबीएसई स्कूल, वेश्वी-अलिबाग येथे २९ ऑक्टोबर रोजी पोलीस स्मृती दिनानिमित्त विशेष कार्यक्रमाचे आयोजन करण्यात आले होते. या कार्यक्रमात अलिबाग पोलिसांच्या ४५ सदस्यीय पथकाने विद्यार्थ्यांना विविध शस्त्रांचे प्रात्यक्षिक दाखवून त्यांचा वापर कसा केला जातो याची माहिती दिली.
पोलीस अधीक्षक आंचल दलाल यांच्या मार्गदर्शनाखाली पोलिस दलाने दहशतवादी हल्ल्याच्या प्रसंगी स्वतःचे संरक्षण कसे करावे याचे प्रभावी मॉक ड्रिल सादर केले तसेच त्यांनी विद्यार्थ्यांना पोलिस दलाचे शौर्य, शिस्त आणि जनतेच्या सुरक्षेसाठी केलेल्या कार्याबाबत प्रेरणादायी मार्गदर्शन दिले. रिझर्व्ह पोलीस इन्स्पेक्टर विजय बाविस्कर ( पोलीस हेड क्वार्टर ), पोलीस सब इन्स्पेक्टर स्वप्नील सावंत , हेड कॉन्स्टेबल विजय भालेराव, जीपीएसआय उत्तम बांबळे आणि इतर पोलीस अधिकारी उपस्थित होते, यावेळी त्यांनी विद्यार्थ्यांना शस्त्रांची ओळख व सुरक्षितते संबंधी मार्गदर्शन केले.
पी.एन.पी. होली चाईल्ड सीबीएसई शाळेच्या मुख्याध्यापिका एम वेल्लैयम्माल व उपमुख्याध्यापिका सदाफ शहाबाजकर तसेच पीएनपी होली चाईल्ड स्टेट बोर्ड शाळेच्या मुख्याध्यापिका निसर्गा चेवले व उपमुख्याध्यापिका शर्मीला शेटे यांनी पाहुण्यांचे स्वागत करून त्यांचा सत्कार केला. शाळेचे विद्यार्थी, शिक्षक व सर्व कर्मचारी या प्रसंगी उपस्थित होते.
