अलिबाग (प्रतिनिधी): अलिबाग तालुक्‍यातील चोंढी येथे कॉम्‍प्‍युटर सेंटरवर हल्‍ला चढवून गंभीर स्‍वरूपाच्‍या दुखापती करून ठार मारण्‍याचा प्रयत्‍न केल्‍याप्रकरणी रायगड जिल्‍हा परीषदेचे माजी सभापती दिलीप भोईर व त्‍यांचे सहकारी मिळून एकूण 21 जणांना अलिबाग येथील सत्र न्यायालयाने सात वर्षे सक्‍तमजुरी आणि प्रत्‍येकी तीन हजार रूपयांची शिक्षा ठोठावण्‍यात आली तर चार आरोपींची निर्दोष मुक्‍तता करण्‍यात आली.
11 सप्‍टेंबर 2012 रोजी यातील आरोपी दिलीप भोईर व त्‍यांच्‍या साथीदारांनी व्‍ही टेक कॉम्‍प्‍युटर सेंटरवर हल्‍ला केला. तेथील क्‍लासचालक रूपाली थळे, त्‍यांचे पती विजय थळे तसेच त्‍यांचे नातेवाईक, साथीदारांवर घातक शस्‍त्रांनी हल्‍ला चढवला. यात काहीजण जखमी झाले होते. याप्रकरणी मांडवा सागरी पोलीस ठाण्‍यात गुन्‍हा दाखल करण्‍यात आला होता. हे प्रकरण त्‍यावेळी चांगलेच गाजले होते.
प्रकरणात पोलीसांनी 25 आरोपींविरोधात अलिबाग येथील जिल्‍हा सत्र न्‍यायालयात दोषारोप पत्र दाखल केले होते. यातील 21 आरोपींना न्यायालयाने जीवे ठार मारण्‍याचा प्रयत्‍न, गंभीर आणि किरकोळ दुखापती करणे, क्‍लासमधील वस्‍तूंची नासधूस करणे, मारहाण करून धमकी देणे याबददल दोषी धरले. अलिबाग येथील सत्र न्यायालयाने आरोपींना सात वर्षे सक्‍तमजुरी आणि सर्व गुन्‍हयांसाठी मिळून प्रत्‍येकी 7 हजार 300 रूपये दंडाची शिक्षा सुनावली आहे.
या खटल्‍यात सरकार पक्षातर्फे एकूण 15 साक्षीदारांची साक्ष नोंदवण्‍यात आली. या खटल्‍यात सरकार पक्षातर्फे विशेष सरकारी वकील म्‍हणून ॲड. प्रसाद पाटील यांनी बाजू मांडली.
