अलिबाग (प्रतिनिधी): भारतीय जनता पक्षाने पूर्वी निलंबित केलेल्या दोन कार्यकर्त्यांचे निलंबन मागे घेतले आहे. दिनांक ३० ऑक्टोबर २०२५ रोजी पक्षाच्या अंतर्गत चर्चेनंतर आणि वरिष्ठांच्या मार्गदर्शनानुसार हा निर्णय घेण्यात आला. पक्षातील शिस्तभंगाच्या कारणास्तव निलंबन करण्यात आले होते, मात्र कार्यकर्त्यांनी आपली भूमिका स्पष्ट करत पक्षनिष्ठा दाखवल्याने त्यांच्यावरचा निर्णय पुनर्विचारात घेण्यात आला.
निलंबनातून मुक्त झालेल्या कार्यकर्त्यांमध्ये श्री. समिर वसंत राणे (मु. नागाव, ता. अलिबाग) आणि अ‍ॅड. निखिल सुरेश चव्हाण (ता. अलिबाग, जि. रायगड) यांचा समावेश आहे. या निर्णयानंतर दोन्ही कार्यकर्त्यांनी पक्ष नेतृत्वाचे आभार मानत पुन्हा नव्या जोमाने संघटन बळकटीसाठी कार्य करण्याची तयारी दर्शवली आहे. पक्षातील एकात्मता आणि शिस्त यांचा संदेश या निर्णयातून दिला गेला आहे.
