पेझारी पोयनाड येथे ‘राष्ट्रीय एकता दौड’ उत्साहात संपन्न


अलिबाग (प्रतिनिधी):अलिबाग तालुक्यातील पेझारी पोयनाड येथे सरदार वल्लभभाई पटेल यांच्या 150 व्या जयंतीनिमित्त “राष्ट्रीय एकता दौड” उत्साहात पार पडली. शासनाच्या वतीने आयोजित या कार्यक्रमात भाजप दक्षिण रायगड जिल्हाध्यक्ष डॉ. चित्राताई पाटील यांच्या नेतृत्वाखाली मोठ्या संख्येने नागरिक, विद्यार्थी व पोलीस अधिकारी सहभागी झाले. या प्रसंगी आस्वाद पाटील, माजी अध्यक्ष राजिप, सहाय्यक पोलीस निरीक्षक विजयकुमार देशमुख, PSI सांगले, PSI मरसकोळे, ना. ना. पाटील हायस्कूल पोयनाडचे NCC प्रशिक्षक श्री. भंडारे सर व NCC विद्यार्थी उपस्थित होते. तसेच सौ. प्रीती पाटील सरचिटणीस महिला मोर्चा भाजपा द. रायगड आणि श्री. चेतन पाटील तालुका मंडल अध्यक्ष भाजपा द. रायगड यांनीही सहभाग घेतला. कार्यक्रमातून एकता, बंधुता आणि राष्ट्रप्रेमाचा संदेश देण्यात आला.