रायगड(प्रतिनिधी):मा.राज्य निवडणूक आयोग, महाराष्ट्र यांच्याकडील दि.04 नोव्हेंबर 2025 च्या आदेशान्वये रायगड जिल्ह्यातील खोपोली, अलिबाग, मुरूड-जंजिरा, पेण, उरण, कर्जत, माथेरान, रोहा, श्रीवर्धन व महाड या नगरपरिषदांच्या सदस्य व अध्यक्ष पदांसाठी सार्वत्रिक निवडणूक कार्यक्रम-2025 जाहिर करण्यात आला असल्याची माहिती जिल्हाधिकारी किशन जावळे यांनी जिल्हाधिकारी कार्यालय, येथे आयोजित पत्रकार परिषदेत दिली आहे.
सार्वत्रिक निवडणूक कार्यक्रम-2025 जाहिर कार्यक्रम पुढीलप्रमाणे आहे. अंतिम प्रभागनिहाय मतदार याद्या अधिप्रमाणित करुन प्रसिध्द करण्यात आल्याचा दिनांक शुक्रवार, दि.31 ऑक्टोबर 2025. जिल्हाधिकाऱ्यांनी निवडणूक कार्यक्रम जारी करण्याची तारीख गुरुवार, दि.6 नोव्हेंबर 2025. नामनिर्देशन राज्य निवडणूक आयोगाने निश्चित केलेल्या वेबसाईटवर भरण्याकरिता उपलब्ध असण्याचा कालावधी सोमवार, दि.10 नोव्हेंबर ते सोमवार, दि.17 नोव्हेंबर 2025 ( दि.17 नोव्हेंबर 2025 रोजी दुपारी 2.00 पर्यंत). वरील नामनिर्देशन स्विकारण्याचा कालावधी सोमवार, दि.10 नोव्हेंबर ते सोमवार, दि.17 नोव्हेंबर 2025 ( दि.17 नोव्हेंबर 2025 रोजी दुपारी 3.00 पर्यंत रविवार या सुट्टीच्या दिवशी नामनिर्देशनपत्र स्विकारण्यात येणार नाहीत). नामनिर्देशनपत्राची छाननी व वैधरित्या नामनिर्देशन झालेल्या उमेदवारांची यादी प्रसिध्द करण्याचा दिनांक मंगळवार, दि.18 नोव्हेंबर 2025 सकाळी 11.00 वाजेपासून. नामनिर्देशनपत्रे मागे घेण्याचा अंतिम दिनांक अपील नसेल तेथे बुधवार, दि.19 नोव्हेंबर ते शुक्रवार, दि.21 नोव्हेंबर 2025 दुपारी 3.00 वाजेपर्यंत.
अपील नसल्यास वैधरित्या नामनिर्देशित केलेल्या उमेदवारांची यादी प्रसिध्द झाल्याच्या तारखेपासून तीन दिवसांच्या आत जिल्हा न्यायाधिशाकडे अपिल करता येईल. निवडणूक निर्णय अधिकारी यांनी अपिलाचा निर्णय लवकरात लवकर प्राप्त करुन घेण्यासाठी प्रयत्न करावेत. शुक्रवार, दि.21 नोव्हेंबर 2025 ते मंगळवार, दि.25 नोव्हेंबर 2025 अपिलाचा निर्णय ज्या तारखेस करण्यात येईल त्या तारखेनंतर तिसऱ्या दिवशी किंवा तत्पूर्वी मात्र दिनांक दि.25 नोव्हेंबर 2025 पर्यंत. निवडणूक चिन्ह नेमून देण्याचा तसेच अंतिमरित्या निवडणूक लढविणाऱ्या उमेदवारांची यादी प्रसिध्द करण्याचा दिनांक बुधवार, दि.26 नोव्हेंबर 2025. मतदानाचा दिनांक मंगळवार, दि.02 डिसेंबर 2025 सकाळी 7.30 पासून ते सायंकाळी 5.30 पर्यंत. मतमोजणी व निकाल जाहिर करण्याचा दिनांक बुधवार, दि.03 डिसेंबर 2025 सकाळी 10.00 वाजल्यापासून. शासन राजपत्रात निकला प्रसिध्द करणे बुधवार, दि.10 डिसेंबर 2025 पूर्वी कलम 19 मधील तरतुदीनुसार.
नगर परिषद व नगर पंचायत मतदार संख्या, मतदान केंद्र
खोपोली नगर परिषद-निवडणूक विभाग संख्या 15, निवडणूक घ्यायची सदस्य संख्या 31, मतदार संख्या (प्रारुप मतदार यादीनुसार) 62 हजार 74, मतदान केंद्र संख्या 77, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
अलिबाग नगर परिषद-निवडणूक विभाग संख्या 10, निवडणूक घ्यायची सदस्य संख्या 20, मतदार संख्या (प्रारुप मतदार यादीनुसार) 16 हजार 354, मतदान केंद्र संख्या 22, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
श्रीवर्धन नगर परिषद-निवडणूक विभाग संख्या 10, निवडणूक घ्यायची सदस्य संख्या 20, मतदार संख्या (प्रारुप मतदार यादीनुसार) 12 हजार 637, मतदान केंद्र संख्या 20, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
मुरुड-जंजिरा नगर परिषद-निवडणूक विभाग संख्या 10, निवडणूक घ्यायची सदस्य संख्या 20, मतदार संख्या (प्रारुप मतदार यादीनुसार) 11 हजार 544, मतदान केंद्र संख्या 20, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
रोहा नगर परिषद-निवडणूक विभाग संख्या 10, निवडणूक घ्यायची सदस्य संख्या 20, मतदार संख्या (प्रारुप मतदार यादीनुसार) 17 हजार 669, मतदान केंद्र संख्या 20, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
महाड नगर परिषद-निवडणूक विभाग संख्या 10, निवडणूक घ्यायची सदस्य संख्या 20, मतदार संख्या (प्रारुप मतदार यादीनुसार) 23 हजार 124, मतदान केंद्र संख्या 30, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
पेण नगर परिषद-निवडणूक विभाग संख्या 12, निवडणूक घ्यायची सदस्य संख्या 24, मतदार संख्या (प्रारुप मतदार यादीनुसार) 33 हजार 875, मतदान केंद्र संख्या 42, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
उरण नगर परिषद-निवडणूक विभाग संख्या 10, निवडणूक घ्यायची सदस्य संख्या 21, मतदार संख्या (प्रारुप मतदार यादीनुसार) 26 हजार 214, मतदान केंद्र संख्या 30, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
कर्जत नगर परिषद-निवडणूक विभाग संख्या 10, निवडणूक घ्यायची सदस्य संख्या 21, मतदार संख्या (प्रारुप मतदार यादीनुसार) 29 हजार 957, मतदान केंद्र संख्या 37, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
माथेरान नगर परिषद-निवडणूक विभाग संख्या 10, निवडणूक घ्यायची सदस्य संख्या 20, मतदार संख्या (प्रारुप मतदार यादीनुसार) 4 हजार 55, मतदान केंद्र संख्या 10, निवडणूक निर्णय अधिकारी संख्या 1, सहायक निवडणूक निर्णय अधिकारी संख्या 2.
असे एकूण निवडणूक विभाग संख्या 107, निवडणूक घ्यायची सदस्य संख्या 217, मतदार संख्या (प्रारुप मतदार यादीनुसार) 2 लाख 37 हजार 503, मतदान केंद्र संख्या 308, निवडणूक निर्णय अधिकारी संख्या 10, सहायक निवडणूक निर्णय अधिकारी संख्या 20.
मतदार यादीतील दुबार/तिबार नावांची संख्या
खोपोली नगर परिषद-891, अलिबाग नगर परिषद- 244, श्रीवर्धन नगर परिषद-131, मुरुड-जंजिरा नगर परिषद-69, रोहा नगर परिषद-62, महाड नगर परिषद-359, पेण नगर परिषद-784, उरण नगर परिषद-781, कर्जत नगर परिषद-817, माथेरान नगर परिषद-18, असे एकूण 4 हजार 156.
