रायगड (प्रतिनिधी): दि. ६ व ७ नोव्हेंबर रोजी खोपोली येथे झालेल्या १७ वर्षाखालील राज्य अजिंक्यपद शालेय कुस्ती स्पर्धेत अलिबाग तालुक्यातील वाडगावचा सुपुत्र कु. प्राण सरिता जयेंद्र भगत याने उत्कृष्ट कामगिरी करत सिल्वर पदक पटकावले. स्पर्धेत विविध जिल्ह्यांतील नामांकित खेळाडूंमध्ये प्राणने दमदार झुंज देत द्वितीय क्रमांक मिळवला. त्याच्या या यशामुळे वाडगाव गावासह संपूर्ण अलिबाग तालुक्याचा अभिमान वाढला आहे. प्रशिक्षक, शिक्षक आणि पालकांनी प्राणच्या यशाबद्दल आनंद व्यक्त केला असून पुढील स्पर्धांसाठी शुभेच्छा दिल्या आहेत. प्राण भगत याने कठोर परिश्रम, शिस्त आणि आत्मविश्वासाच्या जोरावर हे यश संपादन केले असून त्याच्याकडून भविष्यात आणखी मोठ्या कामगिरीची अपेक्षा व्यक्त केली जात आहे.
