रायगड(प्रतिनिधी):अकोला येथील शॉरवीन क्लासेसचे १२ विद्यार्थी व ३ शिक्षक फिरण्यासाठी आज काशिद समुद्रकिनारी आले होते. मात्र, दुर्दैवाने समुद्रात पोहत असताना त्यापैकी २ विद्यार्थी व १ शिक्षक पाण्यात बुडाले. तत्काळ मदतकार्य सुरू करण्यात आले. त्यापैकी एक विद्यार्थी आणि एक शिक्षकांचा मृत्यू झाला असून, एक विद्यार्थी सुखरूप बचावला आहे.
मयत झालेल्यांची नावे पुढीलप्रमाणे –
1. राम कुटे (वय ६०, रा. अकोला) – शिक्षक. त्यांचा मृतदेह उत्तरीय तपासणीसाठी बोर्ली प्राथमिक आरोग्य केंद्रात पाठवण्यात आला आहे.
2. आयुष रामटेके (वय १९, रा. अकोला) – विद्यार्थी. त्याचा मृतदेह उत्तरीय तपासणीसाठी मुरुड प्राथमिक आरोग्य केंद्रात पाठवण्यात आला आहे.
3. आयुष बोबडे (वय १७, रा. अकोला) हा विद्यार्थी सुखरूप असून त्याची प्रकृती स्थिर आहे.
या घटनेने परिसरात हळहळ व्यक्त केली जात आहे. पोलिसांनी घटनेचा पुढील तपास सुरू केला आहे.
