अलिबाग(प्रतिनिधी):भारतीय संविधानावर दृढ विश्वास ठेवून समाजवाद, धर्मनिरपेक्षता आणि लोकशाही या तत्त्वांना मान्यता देत, भारताची प्रभुत्वसंपन्नता, एकता आणि अखंडता जपत समाजाच्या सर्वांगीण विकासासाठी कार्य करण्याच्या ध्येयाने श्री. मुहसीर अहमद पटेल, यांची प्रहार जनशक्ती पक्षाच्या महाड तालुका प्रमुख म्हणून नियुक्ती करण्यात आली आहे.
ही नियुक्ती पक्षाचे संस्थापक अध्यक्ष यांच्या व जिल्हाध्यक्ष सचिन साळुंखे यांच्या आदेशापर्यंत परिविक्षाधीन स्वरूपात राहील. या कालावधीत श्री. पटेल यांनी सामाजिक, राजकीय, सांस्कृतिक, आर्थिक, शैक्षणिक, रोजगार, आरोग्य, दिव्यांग आणि इतर विकासात्मक प्रश्नांबाबत स्थितीदर्शक आकडेवारी व वर्गवारीसहित अहवाल सादर करणे आवश्यक राहील.
परिविक्षाधीन कालावधीत कोणतेही मानधन, लाभ अथवा अन्य राजकीय पक्ष वा राजकीय ध्येयाने प्रेरित संघटनेचे सदस्यत्व स्वीकारणे त्यांना मान्य राहणार नाही. वरील अटींच्या अधीन राहून त्यांची ही नियुक्ती पक्षाच्या सर्वसाधारण सभेच्या पुढील आदेशापर्यंत लागू राहील.
श्री. मुहसीर अहमद पटेल यांनी पक्षाच्या ध्येयधोरणानुसार समाजहितार्थ आणि पक्षवाढीसाठी सक्रिय योगदान द्यावे, अशी अपेक्षा पक्षातर्फे व्यक्त करण्यात आली आहे. पक्षाच्या नियम व शिस्तीचे पालन न झाल्यास ही नियुक्ती कोणत्याही पूर्वसूचनेशिवाय रद्द करण्यात येऊ शकते.
प्रहार जनशक्ती पक्षाच्या वतीने श्री. पटेल यांना त्यांच्या उज्ज्वल राजकीय आणि सामाजिक कार्यकाळासाठी हार्दिक शुभेच्छा देण्यात आल्या आहेत.
