रायगड (प्रतिनिधी):राजस्थानचे राज्यपाल हरिभाऊ बागडे यांची राजभवन, जयपूर येथे अलिबाग-मुरूड विधानसभेचे माजी आमदार पंडित पाटील यांनी सदिच्छा भेट घेतली. या भेटीदरम्यान राज्यातील विविध विकासकामांवर आणि प्रशासकीय विषयांवर सविस्तर चर्चा झाली. पाटील यांनी रायगड जिल्ह्यातील सुरू असलेल्या तसेच प्रलंबित कामांचा आढावा राज्यपालांसमोर मांडत स्थानिक जनता आणि प्रशासन यांच्यातील समन्वयाबाबतही माहिती दिली. राज्यपाल बागडे यांनी चर्चेदरम्यान विकासकामांना आवश्यक त्या पातळीवर सहकार्य करण्याचे आश्वासन दिल्याचे समजते.
या भेटीदरम्यान रायगड जिल्हा परिषदेच्या माजी सदस्या भावना पाटील, कुंदा गावंड आणि संगिता माने उपस्थित होत्या. पाटील यांच्या नेतृत्वाखालील शिष्टमंडळाने राज्यपालांना रायगड जिल्ह्याच्या सामाजिक, शैक्षणिक आणि पायाभूत सुविधांशी संबंधित मुद्द्यांची माहिती दिली. सर्वांनी मिळून विकासाच्या गतीला चालना देण्यासाठी समन्वयाची गरज व्यक्त केली. इस सदिच्छा भेटीमुळे जिल्ह्यातील समस्या आणि संभाव्य उपाय यांवर सकारात्मक वातावरणात संवाद साधण्याची संधी निर्माण झाली.
