अलिबाग नगरपालिका निवडणूक : प्रभाग ६-ब मधून अपक्ष उमेदवार उमा अनिरुद्ध आठवले यांचा अर्ज दाखल


अलिबाग (प्रतिनिधी): अलिबाग नगरपालिका निवडणुकीच्या तयारीत प्रभाग क्रमांक ६-ब मध्ये अपक्ष उमेदवार सौ. उमा अनिरुद्ध आठवले (पल्लवी) यांनी उमेदवारी अर्ज दाखल केला आहे. अर्ज दाखल करण्यासाठी त्या आपल्या समर्थकांसह निवडणूक विभाग कार्यालयात दाखल झाल्या. शिस्तबद्ध वातावरणात अर्ज दाखल प्रकिया पूर्ण झाली.

उमा आठवले या स्थानिक पातळीवर सामाजिक कामातून ओळखल्या जात असून प्रभागातील मूलभूत सुविधा, महिलांच्या प्रश्नांना प्राधान्य आणि परिसराच्या सर्वांगीण विकासासाठी काम करण्याचा त्यांनी निर्धार व्यक्त केला आहे.

उमेदवारी अर्ज दाखल केल्यानंतर समर्थकांनी त्यांचे स्वागत करून उत्साह व्यक्त केला. आता प्रभाग ६-ब मध्ये निवडणुकीची रंगत अधिक वाढण्याची शक्यता व्यक्त केली जात आहे.