भाजपच्या अध्यक्ष पदाच्या निवडी संदर्भात जिल्हा पातळीवर राजकीय घडामोडींना प्रचंड वेग
भाजपा नेते अतुल सुधाकर काळसेकर, खासदार धैर्यशील पाटील यांनी घेतली पंडित पाटील यांची भेट
अलिबाग रायगड : जिल्ह्यातील भाजपच्या अध्यक्ष पदाच्या निवडी संदर्भात जिल्हा पातळीवर राजकीय घडामोडींना प्रचंड वेग आला आहे. भाजपा नेते अतुल सुधाकर काळसेकर , खासदार धैर्यशील पाटील यांनी आज अलिबाग-पेझारी येथे नुकतेच भाजपामध्ये आलेले सुभाष उर्फ पंडित पाटील यांची भेट घेतली.
यावेळी या नेत्यांमध्ये रायगड जिल्ह्यात अध्यक्ष कोण असावा याबाबत सविस्तर चर्चा करण्यात आली. सध्या राज्यसभा खासदार धैर्यशील पाटील यांच्याकडे अध्यक्ष पदाची जबाबदारी आहे.
शेकापमधीलअंतर्गत वादला कंटाळून पंडित पाटील यांनी आपल्या शेकडो समर्थकांसह काहीच दिवसांपूर्वी भाजपामध्ये प्रवेश केला आहे.
जिल्ह्यातील पक्ष संघटन कसे असावे या बाबत पंडित पाटील यांना उत्तम जाण आहे. याच कारणाने जिल्ह्यातील पक्ष संघटन वाढीची जबाबदारी पंडित पाटील यांच्या खांद्यावर असल्याचे दिसून येते. त्यामुळे नव्या राजकीय रणनीतीनुसार रायगड जिल्ह्यात पाटील यांची छाप राहणार असल्याचे बोलले जाते.
