अलिबाग (प्रतिनिधी):अलिबाग माळी समाज क्रिकेट मंडळ, अलिबाग यांच्या वतीने आज श्री. माननीय प्रशांत शेठ नाईक यांचा सत्कार करण्यात आला. अलिबाग नगरपरिषद निवडणुकीत बिनविरोध विजय मिळवल्याबद्दल मंडळाने त्यांचे हार्दिक अभिनंदन करून शुभेच्छा दिल्या. प्रशांत नाईक यांच्या बिनविरोध निवडीमुळे परिसरातील नागरिकांमध्ये आनंदाचे वातावरण असून, विकासाच्या दृष्टीने सकारात्मक बदल घडतील असा विश्वास व्यक्त करण्यात आला.
या प्रसंगी मंडळाच्या पदाधिकाऱ्यांनी नाईक यांची अलिबाग शहरातील कामकाजातील पारदर्शकता, लोकाभिमुख भूमिका आणि संवेदनशील नेतृत्व शैलीची प्रशंसा केली. पुढील कार्यकाळात शहराच्या विकासासाठी तसेच सर्वसामान्यांच्या सुविधा वाढवण्यासाठी सातत्याने प्रयत्नशील राहण्याची अपेक्षा व्यक्त करण्यात आली. कार्यक्रमात उपस्थित नागरिकांनीही नाईक यांना भरभरून शुभेच्छा दिल्या.
उपस्थित मान्यवर प्रदीप नाईक, सचिन राऊळ, अवधूत पाटील, समीर पाटील, संकेत माळी, संदेश गुंजाळ असा मित्र परिवार होते.
