रायगड (प्रतिनिधी): माथेरानच्या तरुणाईला नवी दिशा देत युवासेना शहराध्यक्षपदी युवा नेते राकेश कोकळे यांची निवड करण्यात आली. अनेक वर्षांपासून आमदार महेंद्र थोरवे यांच्या मार्गदर्शनाखाली सातत्याने केलेल्या कार्याची दखल घेऊन, पक्षप्रमुख व उपमुख्यमंत्री एकनाथ शिंदे यांच्या आदेशानुसार युवासेना रायगड उत्तर जिल्हाप्रमुख प्रसाद थोरवे यांनी ही निवड जाहीर केली.
पर्यटन मंत्री शंभूराजे देसाई, खासदार श्रीरंग बारणे आणि आमदार महेंद्र थोरवे यांच्या हस्ते कोकळे यांना नियुक्तिपत्र प्रदान करण्यात आले. या निवडीनंतर माथेरान शहरात आणि विविध सामाजिक घटकांतून त्यांचे जोरदार स्वागत होत असून आगामी राजकीय वाटचालीस शुभेच्छांचा वर्षाव सुरू आहे.
कार्यक्रमाला शिवसेना रायगड जिल्हाप्रमुख संतोष भोईर, युवासेना उत्तर रायगड जिल्हाप्रमुख प्रसाद थोरवे, युवासेना कर्जत तालुका अध्यक्ष अमर मिसाळ, शहराध्यक्ष मनोज खेडकर यांसह शिवसैनिक मोठ्या संख्येने उपस्थित होते.
