अलिबाग (प्रतिनिधी): अलिबाग–पेण महामार्गावर असलेल्या छोट्या पुलाचे कठडे अचानक कोसळल्याने वाहनचालकांमध्ये भीतीचे वातावरण पसरले आहे. या मार्गावर शनिवार–रविवार मोठ्या प्रमाणात पर्यटक आणि स्थानिकांची वाहतूक वाढते. लाखो वाहने एकमेकांची स्पर्धा करत वेगाने धावत असल्याने या ठिकाणी अपघात होण्याची शक्यता अधिकच वाढली आहे. पुलाच्या कठड्यांचा आधार नाहीसा झाल्याने जड वाहनांना तसेच दुचाकीस्वारांना विशेष धोका निर्माण झाला आहे.
स्थानिक रहिवाशांनी अनेकदा पुलाच्या दुरुस्तीसाठी प्रशासनाचे लक्ष वेधले होते; मात्र अद्याप ठोस उपाययोजना करण्यात आलेली नाही. गर्दीच्या वेळात वाहने रस्त्याच्या कडेला सरकताना थेट पुलाच्या खाली जाण्याचा धोका असल्याने नागरिकांनी तातडीने संरक्षणात्मक कठडे उभारावेत आणि पुलाची संपूर्ण दुरुस्ती करावी, अशी मागणी केली आहे.
वाहतूक विभागानेदेखील या मार्गावर वाढत्या गर्दीचा विचार करून वेगमर्यादा काटेकोरपणे पाळली जावी आणि पुलाजवळ चेतावणी फलक, रात्री परावर्तक चिन्हे व पोलिसांचा तात्पुरता ताफा तैनात करावा, असे सुचवले आहे. दरम्यान, प्रशासनाकडून पंचनाम्यासह दुरुस्तीची प्राथमिक पाहणी सुरू करण्यात आली असून हा अपघातप्रवण क्षेत्र तातडीने सुरक्षित करण्याचे आश्वासन दिले जात आहे.
ही परिस्थीत कार्लेखिंडीत मैनुशेठच्या वाड्याजवळ घडलेली आहे.
