अलिबाग (प्रतिनिधी): इमेज कॅलेंडर आयोजित छायाचित्र स्पर्धेचे यंदाचे आठवे वर्ष आहे. जिल्ह्यातील हौशी आणि व्यावसायिक छायाचित्रकारांच्या कलेला वाव देण्यासाठीची परंपरा इमेज कॅलेंडरने कायम ठेवली आहे. यंदाही २०२६ च्या वार्षिक कॅलेंडरसाठी रायगड जिल्ह्यातील निसर्गाने नटलेली पुरातन मंदिरे , निसर्ग सौंदर्य, पारंपरिक सण, गड किल्ल्यांच्या छायाचित्रांनाही स्पर्धेत संधी देण्यात आली होती. जिल्ह्यातून सादर झालेल्या शेकडो छायाचित्रांमधून १२ छायाचित्रांची निवड मान्यवर परीक्षकांच्या माध्यमातून करण्यात आली आहे. या स्पर्धेला जिल्ह्यातून शेकडो छायाचित्रकारांचा सहभाग लाभला होता. यामुळे २०२६ च्या इमेज कॅलेंडरच्या दिनदर्शिकेमध्ये रायगड जिल्ह्यातील निसर्गाने नटलेली पुरातन मंदिर यांची छबी अवतरलेली पहावयास मिळणार आहे.
या स्पर्धेत दीक्षित कांबळे, महाड,
वैभव शिंदे, श्रीबाग
महेंद्र महाडिक, अलिबाग
शुभम सुंकले, थळ
डॉ. गणेश गवळी, अलिबाग
निलेश दुदम, गोंधळपाडा
भारत रांजणकर, मुरुड
सनीश म्हात्रे, मिळकतखर
जयंत ठाकूर, पेण
कल्पेश पाटील, महाड
मोनिका औचटकर, बेलोशी
सुनील ठोकळ, अलिबाग
यांच्या छायाचित्राची निवड करण्यात आली आहे.
स्पर्धेसाठी सादर करण्यात आलेल्या शेकडो छायाचित्रांमधून कॅलेंडरसाठीच्या बारा पानांसाठी निवड करणे जिकरीचे होते. यासाठी इमेज कॅलेंडर संस्थेने अलिबाग येथील ज्येष्ठ पत्रकार, दैनिक पुढारीचे रायगड आवृत्ती प्रमुख जयंत धुळप यांची निवड केली होती. त्यांच्या परीक्षणानंतर बारा छायाचित्रणाची निवड करण्यात आली आहे. क्रमांकानुसार कॅलेंडरच्या पहिल्या पानावरुन छायाचित्रकारांची छायाचित्रे प्रसिद्ध करण्यात येणार असल्याची माहिती इमेज कॅलेंडरचे संस्थापक जितू शिगवण , रमेश कांबळे आणि समीर मालोदे यांनी दिली आहे
