मुंबई:हवामानात अचानक बदल झाल्यामुळे शनिवार दि. ३ मे रोजी दुपारी चार वाजल्यापासून सुरक्षेच्या कारणास्तव गेटवे – मांडवा मार्गावरील अजंठा कंपनीच्या बोटींची जलवाहतूक सेवा बंद करण्यात आली, यामुळे अलिबागकडे येणाऱ्या पर्यटक व प्रवाशांची मोठ्या प्रमाणात गर्दी जमून सर्वांचेच हाल झाले.
मात्र या मार्गावर मालदार व पीएनपी कंपनीच्या बोटींची सेवा दर दोन तासाने सुरू असल्याने प्रवाशांना काहीसा दिलासा मिळाला, यामुळे याबोटींवर अधिक प्रवासी अवलंबून असल्याचे दिसून आले. उन्हाळी सुट्टी व आठवड्यातील शनिवार, रविवार हि सलग सुट्टी असल्याने या जलमार्गाने प्रवास करणाऱ्या पर्यटक व प्रवाशांनी मोठ्या प्रमाणात गर्दी केली होती. यावेळी गर्दीवर नियंत्रण ठेवण्यासाठी पोलीस बंदोबस्त तैनात करण्यात आला होता.
