भगरच्च पत्रकार परिषदेत माजी नगराध्यक्ष जे.एम. म्हात्रेंचा खुलासा
कार्यकर्त्यांचा निर्णय अंतिम, त्यांच्याच आधारे योग्य पाऊले उचलू- जे.एम. म्हात्रे
पनवेल रायगड:आजही मी शेकापक्षाचा कार्यकर्ता म्हणून पत्रकार परिषद घेतली असून मी माझ्या भूमिकेशी ठाम आहे. परंतु महाविकास आघाडीची भूमिका मला पटत नसल्याने मी त्यातून बाहेर पडत असल्याचे स्पष्ट मत माजी नगराध्यक्ष जे.एम.म्हात्रे यांनी पनवेल येथील त्यांच्या कार्यालयात घेतलेल्या भगरच्च पत्रकार परिषदेत व्यक्त केले. यावेळी जे.एम. म्हात्रे यांनी अतिशय नम्र शब्दात शेकापक्षाची भूमिका आणि त्यातील त्रुटी दर्शवून दिल्या. पक्षाने आपल्याला अनेकदा डावलले, मनाविरुद्ध अनेक निर्णय घ्यावे लागले, अशी खंत त्यांनी बोलून दाखवली. दरम्यान, खोट्या अफवा पसरविणे थांबवावे. कार्यकर्त्यांचा निर्णय हा अंतिम असेल. त्यांच्याच आधारे आम्ही योग्य पाऊले उचलू, असेही जे.एम.म्हात्रे यांनी पत्रकार परिषदेत सांगितले.
