अलिबाग रायगड: बेलोशीचे मा.सरपंच कृष्णा रामभाऊ भोपि यांच्या हस्ते श्रीफळ वाढवून करण्यात आले व या कामाचा शुभारंभ करण्यात आला. यावेळी उबाठा पक्षाचे युवा सेना जिल्हाध्यक्ष अमीर उर्फ पिंट्या ठाकूर, मा.कृष्णा रामभाऊ भोपी सरपंच बेलोशी कैलास दादा गजने, अजित पाटील, भास्कर भोपी, ग्रामपंचायत सदस्य तसेच ग्रामस्थ मोट्या प्रमाणात उपस्थित होते.
रस्त्यावरील अवस्था खराब असल्याने वाहन चालकांना वाहन चालविताना तारेवरची कसरत करावी लागत होती. त्यामुळे हा रस्ता अपघाताला कारणीभूत ठरण्याची भिती व्यक्त केली जात होती.गेल्या काही वर्षापासून वावे-बेलोशी रस्त्यावर लाखो रुपयांचा निधी खर्च करण्यात आला आहे. वावे-बेलोशी रस्त्यावरील खड्ड्यांमुळे प्रवासी, वाहन चालक त्रस्त झाले आहेत. विधानसभा निवडणूकीच्या कालावधीत या रस्त्याच्या कामासाठी दुतर्फा खडी टाकून ठेवण्यात आली होती. निवडणूक होऊन अनेक दिवस उलटूनही रस्त्याच्या कामाला प्रत्यक्षात सुरुवात झाली नाही. रस्त्याच्या बाजूला टाकलेल्या खडीचा वाहन चालकांना प्रचंड त्रास झाला होता. रस्त्याच्या कामाला कधी सुरुवात होणार, याकडे सर्वांचे लक्ष लागून राहिले होते. अखेर या रस्त्याच्या कामाला मुहूर्त मिळाला असून रस्त्याच्या डांबरीकरणाचे भूमिपूजन बेलोशीचे मा.सरपंच कृष्णा रामभाऊ भोपि यांच्या हस्ते श्रीफळ वाढवून करण्यात आले व या कामाचा शुभारंभ करण्यात आला.
