अलिबाग रायगड: भारत-पाक सिमेवर दोन्ही देशामध्ये युध्दजन्य परिस्थिती निर्माण झालेली असुन त्याकरीता रायगड पोलीस प्रशासन देखील सतर्क झाले आहे. त्याअनुषंगाने नागरीकांच्या, सागरी सुरक्षेच्या तसेच मर्मस्थळांचे सुरक्षेकरीता विशेष उपाय योजना करण्यात आल्या आहेत.
मॉक ड्रिलः– जिल्हयातील पोलीस ठाणे हद्दीत विविध ठिकाणी मॉक ड्रिल राबविण्यात आले आहे. युध्दजन्य परिस्थिती मध्ये किंवा अचानक होणा-या दहशतवादी हल्ल्यामध्ये कोणत्या प्रकारे कारवाई करणे आवश्यक आहे त्याचे सर्वस्वी अभ्यास करण्यात आले आहे.
सागरी सुरक्षाः– जिल्हयातील किनारपट्टी सुरक्षा सक्रिय करण्यात आलेली असुन ठिकठिकाणी नाकाबंदी पॉईट लावण्यात आलेले आहेत. सागरी किनारे, लॅन्डींग पॉईट, बेटे यांना नियमित भेटी सुरू आहेत. सागरी किनारी असणारे गावांना भेटी देवून विशेष काळजी घेणेबाबत सुचित करण्यात आले आहे, मच्छीमार बांधवांसह संपर्कात असुन अनोळखी बोट किंवा इसम दिसुन आल्यास तात्काळ त्यासंबंधीत सुचना कळविण्याबाबत सुचित करण्यात आले आहे.
मर्मस्थळ सुरक्षाः– जिल्हयातील विशेष सुरक्षीत असणारे महत्वाच्या ठिकाणी सुरक्षा व्यवस्था वाढविण्यात आलेली आहे.
सोशल मिडीयाः जिल्हयातील सोशन मिडीया सेल भारत-पाक तणावावर विशेष लक्ष ठेवुन आहे. अक्षेपार्ह पोस्ट किंवा कमेंट करणा-या तसेच अफवा पसरविणा-या व्यक्तींवर कडक कारवाई केली जाईल.रायगड पोलीस दलातर्फे सर्व नागरीकांना आवाहन करण्यात येत आहे की, सदर परिस्थितीत सतर्क राहावे, कोणत्याही परिस्थितीत घाबरून जावू नये. अफवा पसरवू नये किंवा अफवांवर विश्वास ठेवू नये, आपल्या सुरक्षीततेसाठी रायगड जिल्हा पोलीस प्रशासन सज्ज झालेला आहे.
