दहावीच्या परीक्षेत चिंतामणराव केळकर विद्यालयाचा सलग तेराव्या वर्षी शंभर  टक्के निकाल

अलिबाग रायगडः  चेंढरे – अलिबाग येथील चिंतामणराव केेळकर विद्यालयाने दहावीच्या परीक्षेत शंभर टक्के निकाल लगण्याची परंपरा कायम राखली आहे.  महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी – मार्च  2025 मध्ये घेण्यात आलेल्या दहावीच्या परीक्षेत या शाळेतील सर्व विद्यार्थी उत्तीर्ण झाले आहेत. या शाळेचा दहावीच्या परीक्षेत सलग तेराव्या वर्षी शंभर टक्के निकला लागला आहे.
फेब्रुवारी 2025 मध्ये घेण्यात आलेल्या दहावीच्या परीक्षेला चिंतमणराव केळकर विद्यालयाचे 168 विद्यार्थी बसले होते. हे सर्व विद्यार्थी उत्तीर्ण झाले आहेत. 27 विद्यार्थ्यांना 90 टक्क्यांपेक्षा जास्त गुण मिळाले आहेत. मराठी माध्यमात  अक्षरा महेश पाटील हीने शाळेत प्रथम येण्याचा मान विळवला. तीने 94.20 टक्के गुण मिळवले. सेमी इंग्रजी माध्यमात भाविका मनोज कासार शेळेत पहिली आली . तीला 97.60 टक्के गुण मिळाले. राज अविनाश खरसंबळे याने 97.60 टक्के गुण मिळवून  इंग्रजी मध्यमात शाळेत पहिला येण्याचा मान मिळवला.