पाली रायगड: रायगड जिल्ह्यातील सुधागड तालुका निघृण खुनाच्या घटनेने हादरून गेला आहे. प्रेमातील वादातून प्रियकराने प्रेयसीची कोयत्याने वार करून क्रूर हत्या केली. त्यानंतर गळफास घेऊन स्वतःला संपवले. सुधागड तालुक्यातील परळी येथील राजेंद्र पॉलीक्लिनिक नर्सिंग होम दवाखाना येथे ही घटना घडली आहे.
नर्सिंग होम दवाखान्यात तरुणी रक्ताच्या थारोळ्यात आढळली. तर दुसऱ्या बाजूला गळफास घेतलेल्या अवस्थेत प्रियकर तरुणही आढळून आल्याने खळबळ उडाली आहे. प्रेम प्रकरणातील वादातून दोन जीवांचा करूण अंत झाला असल्याची माहिती समोर आली आहे.
शेखर संतोष दुधाणे (वय २६, रा. दुधाणेवाडी, ता. सुधागड,) याने परळी येथील राजेंद्र पॉलीक्लिनिक नर्सिंग होम दवाखाना येथे जावून नर्स म्हणून काम करणाऱ्या पौर्णिमा अनंत देसाई, (वय २२, रा. देसाईपाडा, ता. सुधागड) हिची हत्या करुन तेथेच गळफास घेऊन स्वतःला संपवले आहे.
