गावात जलशुद्धीकरण प्रकल्पाला मंजुरी मिळण्याची मागणी
सरपंच व ग्रामविकास अधिकाऱ्यांनी दिले मागण्यांचे निवेदन
अलिबाग रायगड:रायगड जिल्ह्यातील अलिबाग तालुक्यात नागाव हे गाव आहे.या गावाला एकूण ४ कि.मी सागरी किनारा असून, गावात नागाव बीच हा संपूर्ण महाराष्ट्रात प्रसिद्ध आहे.पर्यटनाच्या दृष्टीने नागावमध्ये दररोज सरासरी २५ ते ३० हजार लोकांची वर्दळ असून, गावाची मूळ लोकसंख्या ही २०११ च्या जनगणेनुसार ७ हजार इतकी आहे.आता २०२४ मध्ये ही लोकसंख्या १२ हजार इतकी झाली आहे.
गावासाठी होणारा पाणीपुरवठा हा आता उमटे धरणातुन होत असुन उमटे धरणात देखील आता तितका पाणीसाठा उपलब्ध होत नाही त्या कारणाने आमच्या गावातील नागरिकांस माहे जानेवारी ते जुन पर्यंत सरासरी ३ दिवसांआड पाणीपुरवठा करावा लागतो गावात आपले “महाराष्ट्र शासनाच्या महाराष्ट्र जीवन प्राधिकरण अंतर्गत पाणीपुरवठा योजना मंजूर असून” या योजनेद्वारे गावात कुठल्याही प्रकारचे काम झालेले नाही व मंजूर असलेली योजना देखील गावासाठी पुरेशी नाही
गावामध्ये एकूण ४ तलाव असून त्यामध्ये नैसर्गिक पाणी आहे.त्यातील पाणी शुद्ध करून वापरण्यास मिळाले, तर गावचा पाणी प्रश्न कायमस्वरूपी सुटू शकेल गावात जलशुद्धीकरण प्रकल्पाला मंजुरी मिळावी यासाठी महाराष्ट्र राज्याचे पाणी पुरवठा व स्वछता मंत्री गुलाबवराव पाटील यांची भेट घेऊन ग्रुप ग्रामपंचायत नागावच्या सरपंच हर्षदा मयेकर व ग्रामविकास अधिकारी श्वेता कदम यांनी मागण्यांचे निवेदन दिले.
