राष्ट्रीय केमिकल्स अँड फर्टिलाइज़र्स लिमिटेड या भारत सरकारच्या सार्वजनिक उपक्रमात कर्मचारी भरतीसंबंधी जाहिरात विविध वृत्तपत्रे तसेच आरसीएफचे संकेतस्थळ www.rcfltd.com या वर प्रसिद्ध झाली होती. राष्ट्रीय केमिकल्स अँड फर्टिलाइज़र्स लिमिटेड मधील नियोजित कर्मचारी भरतीसाठी ऑनलाइन परीक्षा घेण्यात येते. यासाठी ऑनलाइन अर्ज केलेल्या रायगड जिल्ह्याचे रहिवासी असणार्‍या अनुसूचित जाती-जमाती (SC/ST), इतर मागासवर्गीय (OBC) गटांतील पात्र उमेदवारांना मार्गदर्शन लाभावे यादृष्टीने ‘भरतीपूर्व जागरूकता कार्यक्रम (Pre Recruitment Awareness Programme) दि. 20 मे 2025 रोजी सकाळी 8.00 ते संध्या. 5.00 या दरम्यान समृद्धी सभागृह, प्रशासकीय इमारत प्रवेशद्वार, आरसीएफ कारखाना – थळ युनिट, ता-अलिबाग, जिल्हा-रायगड येथे आयोजित करण्यात आला आहे. या कार्यक्रमात ऑनलाइन परीक्षेच्या संदर्भातील मार्गदर्शनासोबत संबंधित विषयांच्या तज्ञ अधिकार्‍यांच्या मार्गदर्शनाचा लाभ मार्गदर्शन उपस्थित उमेदवारांना होईल.
सदरच्या भरती संबंधीत मार्गदर्शन सत्राचे वेळापत्रक उमेदवारांना त्यांनी ऑनलाइन अर्जात नमूद केलेल्या ई-मेल आयडीवर कळविण्यात आले आहे. संबंधित उमेदवारांनी सदरच्या ई-मेल ची प्रत (हार्ड किंवा सॉफ्ट कॉपी) तसेच आधार कार्ड (प्राधान्याने)/पॅन कार्ड/ड्रायविंग लायसेन्स ची छायाप्रत सोबत घेऊन त्यांना नेमून दिलेल्या वेळेत समृद्धी सभागृह, प्रशासकीय इमारत प्रवेशद्वार, आरसीएफ कारखाना – थळ युनिट, ता-अलिबाग, जिल्हा-रायगड येथे उपस्थित रहावे आणि मार्गदर्शनाचा लाभ घ्यावा असे आवाहन करण्यात येत आहे.
(विनायक पाटील)
उप महाप्रबंधक (मानव संसाधन/प्रशासन)
