अलिबाग (प्रतिनिधी):भारतीय जनता पक्षाचे नवनियुक्त प्रदेशाध्यक्ष मा. रविंद्र चव्हाण यांचे ॲड. महेश मोहीते यांनी मनःपूर्वक अभिनंदन केले आहे. पक्ष संघटनेतील प्रदीर्घ अनुभव, कार्यकुशलता आणि नेतृत्वगुण यांच्या जोरावर त्यांची ही निवड अत्यंत योग्य व वेळेवर झालेली आहे, असे मत ॲड. मोहीते यांनी व्यक्त केले.
मा. चव्हाण हे भाजपामधील एक कार्यक्षम, सर्वसामान्यांशी नाळ जुळवणारे आणि संघटन कौशल्याने परिपूर्ण नेते म्हणून ओळखले जातात. महाराष्ट्रातील राजकारणात त्यांचे योगदान उल्लेखनीय असून त्यांनी अनेक पदांवर यशस्वी कार्य केले आहे. त्यांच्या प्रदेशाध्यक्षपदाच्या कार्यकाळात पक्ष संघटना अधिक मजबूत होईल, कार्यकर्त्यांना दिशा मिळेल आणि आगामी निवडणुकांमध्ये पक्षाला मोठे यश मिळेल, असा विश्वासही ॲड. मोहीते यांनी यावेळी व्यक्त केला.
अभिनंदन संदेशात त्यांनी म्हटले आहे की, “मा. रविंद्र चव्हाण यांची प्रदेशाध्यक्षपदी झालेली निवड ही संपूर्ण राज्यभरातील कार्यकर्त्यांसाठी प्रेरणादायी आहे. त्यांचे नेतृत्व पक्षासाठी निर्णायक ठरेल. मी त्यांना पुढील वाटचालीसाठी हार्दिक शुभेच्छा देतो.”
या अभिनंदन प्रसंगी ॲड. मोहीते यांनी पक्ष संघटनेच्या भविष्यातील योजनांबाबत आशावाद व्यक्त करत भाजपाच्या कार्याची गती अधिक वाढेल, असा विश्वासही व्यक्त केला. रविंद्र चव्हाण यांच्या नेतृत्त्वात राज्य भाजपामध्ये नवचैतन्य येईल, असा विश्वास सर्वत्र व्यक्त केला जात आहे.
