गुरु हा केवळ एक शिक्षक नसतो, तर तो जीवनातील अंध:कार दूर करणारा दीपस्तंभ असतो. जीवनाच्या प्रत्येक टप्प्यावर योग्य दिशा दाखवणारा, प्रेरणा देणारा आणि आपल्याला घडवणारा गुरु म्हणजे एक अनमोल ठेवा. विमा क्षेत्रात माझे गुरु श्री. संदेश गिजे सर हे असेच एक दिग्दर्शक व्यक्तिमत्त्व आहेत, ज्यांनी मला या क्षेत्रात केवळ ज्ञानच दिलं नाही, तर आत्मविश्वास, चिकाटी आणि यशाचा मंत्रही दिला.
संदेश गिजे सर हे विमा व्यवसायात एक नावलौकिक असलेले, अत्यंत अनुभवी, व्यावसायिक दृष्टिकोन असलेले आणि नवोदितांना मार्गदर्शन करणारे आदर्श व्यक्तिमत्त्व आहे. त्यांच्या विचारांमध्ये स्पष्टता, कामात प्रामाणिकपणा आणि यशाकडे पाहण्याचा सकारात्मक दृष्टीकोन आहे. त्यांनी मला वेळोवेळी योग्य सल्ला देत मार्गदर्शन केले. व्यवसायातील अडथळे, ग्राहकांशी संवाद, धोरणात्मक निर्णय – या सर्व गोष्टी सरांकडून शिकताना मला एक नवी दृष्टी मिळाली.
गुरुपौर्णिमेच्या या शुभदिनी त्यांचे मन:पूर्वक आभार मानतो आणि त्यांच्या योगदानाबद्दल कृतज्ञता व्यक्त करतो. सरांच्या प्रेरणेतून अनेक युवक या व्यवसायात यशस्वी होत आहेत हे विशेष गौरवास्पद आहे. त्यांच्या कार्यामुळे आणि मार्गदर्शनामुळेच आज मी आत्मविश्वासाने या क्षेत्रात पुढे जात आहे.
गुरुपौर्णिमेच्या निमित्ताने श्री. संदेश गिजे सरांना मन:पूर्वक नम्र अभिवादन आणि पुढील वाटचालीसाठी हार्दिक शुभेच्छा!
