डॉ.चित्रा आस्वाद पाटील यांची महिला मोर्चा जिल्हाध्यक्षपदी नियुक्ती


अलिबाग (प्रतिनिधी) : भारतीय जनता पार्टी दक्षिण रायगड जिल्हा महिला मोर्चाच्या जिल्हाध्यक्षपदी सौ. चित्रा आस्वाद पाटील यांची नियुक्ती करण्यात आली आहे. भाजपचे ज्येष्ठ नेते धैर्यशील  मोहनराव पाटील (अध्यक्ष, भाजपा दक्षिण रायगड ग्रामीण विधानसभा पक्षप्रमुख) यांच्या वतीने त्यांना अधिकृत निवडीचे पत्र देण्यात आले.
पत्रात नमूद करण्यात आले आहे की, प्रधानमंत्री नरेंद्र मोदी, मुख्यमंत्री देवेंद्र फडणवीस व प्रदेशाध्यक्ष रवींद्र चव्हाण यांच्या मार्गदर्शनाखाली महाराष्ट्राच्या विकासासाठी भाजप कार्यरत असून, समाजातील सर्व घटकांचा सहभाग आणि महिलांचे सक्षम नेतृत्व हे पक्षाचे ध्येय आहे. या पार्श्वभूमीवर डॉ.चित्रा आस्वाद पाटील यांच्यावर जिल्हा महिला मोर्चाच्या नेतृत्वाची जबाबदारी सोपवण्यात आली आहे.
या निवडीबद्दल डॉ.चित्रा आस्वाद पाटील यांचे मन:पूर्वक अभिनंदन करताना  धैर्यशील पाटील यांनी विश्वास व्यक्त केला की, पक्षाची ध्येयधोरणे राबवताना त्या सर्व महिला पदाधिकाऱ्यांना एकत्र घेऊन पक्ष संघटना मजबूत करण्याचे काम करतील. समाजात सकारात्मक बदल घडवण्यासाठी त्यांचे नेतृत्व फलदायी ठरेल, असेही त्यांनी म्हटले आहे.
या निवडीमुळे रायगड जिल्ह्यातील महिला कार्यकर्त्यांमध्ये आनंदाचे वातावरण असून, पुढील काळात महिला मोर्चाचे संघटन अधिक बळकट होईल, असा विश्वास व्यक्त केला जात आहे.