मुंबई (धनश्री रेवडेकर):मनसे अध्यक्ष राज ठाकरे यांच्या शिवतीर्थ निवासस्थानी दरवर्षी गणेशोत्सवाच्या निमित्ताने गणरायाची प्रतिष्ठापना केली जाते. या उत्सवाला अनेक मान्यवर कलाकार, राजकीय नेते उपस्थित राहतात. यंदा माजी मुख्यमंत्री व शिवसेना पक्षप्रमुख उद्धव ठाकरे यांनीही शिवतीर्थ येथे येऊन श्री गणेशाचे दर्शन घेतले.
मराठीच्या मुद्द्यावरून काही दिवसांपूर्वीच दोन्ही ठाकरे बंधूंनी एकत्र येत विजयी मेळावा आयोजित केला होता. या मेळाव्यानंतर शिवसेना आणि मनसे एकत्र येणार का, याबाबत राजकीय वर्तुळात चर्चा रंगू लागली आहे. आगामी महापालिका निवडणुका लक्षात घेता दोन्ही पक्षांमध्ये युती होण्याची शक्यता राजकीय विश्लेषक वर्तवतात. मात्र, अद्याप अधिकृत घोषणा झालेली नाही.
