मुंबई : महाराष्ट्रात झालेल्या अतिवृष्टी आणि पुरामुळे निर्माण झालेल्या आपत्तीजन्य परिस्थितीमध्ये तातडीने मदतीची आवश्यकता आहे. या पार्श्वभूमीवर राष्ट्रवादी काँग्रेस पक्षाने महत्त्वपूर्ण निर्णय घेतला आहे.
राष्ट्रवादी काँग्रेसचे राष्ट्रीय अध्यक्ष तथा उपमुख्यमंत्री माननीय अजितदादा पवार यांच्या मार्गदर्शनाखाली पक्षाचे सर्व मंत्री, खासदार, आमदार आणि विधानपरिषद सदस्य यांनी मुख्यमंत्री सहाय्यता निधीसाठी आपल्या एका महिन्याचा पगार पूर्णपणे देण्याचा निर्णय घेतला आहे.
माननीय अजितदादा पवार स्वतः सहकारी मंत्र्यांसह पूरग्रस्त जिल्ह्यांना भेट देऊन प्रत्यक्ष पाहणी करत असून, नागरिकांना तातडीने मदत मिळावी यासाठी आवश्यक ती कार्यवाही करीत आहेत.
शेतकरी, कामगार आणि सर्वसामान्य जनतेच्या दुःखात राष्ट्रवादी काँग्रेस पक्ष नेहमीच त्यांच्या पाठीशी उभा राहिला आहे. येणाऱ्या काळातही मदत आणि दिलासा देण्यासाठी विविध उपाययोजना राबविल्या जाणार असल्याचे पक्षाच्या वतीने सांगण्यात आले आहे.
