अलिबाग (प्रतिनिधी): रायगडातील गाजलेल्या चोंढी मारहाण प्रकरणातील दोषी ठरवलेल्या शिवसेनेचे नेते दिलीप भोईर उर्फ छोटम आणि इतर 21 आरोपींना मुंबई उच्च न्यायालयाने जामीन मंजूर केला आहे. या निर्णयामुळे भोईर आणि त्यांच्या समर्थकांना दिलासा मिळाला आहे.
सप्टेंबर २०१२ रोजी चोंढी गावात काँग्रेस नेते विजय थळे, त्यांच्या पत्नी रूपाली थळे आणि कार्यकर्त्यांवर हल्ला झाला होता. या प्रकरणात हाफ मर्डर आणि मारहाणीचे गंभीर गुन्हे नोंदवले गेले होते. एकूण २५ आरोपींपैकी चार जणांना अलिबाग न्यायालयाने आधीच निर्दोष मुक्तता दिली होती, तर उर्वरितांना दोषी ठरवण्यात आले होते.
मुख्य आरोपी दिलीप भोईर हे त्या वेळी जिल्हा परिषदेचे समाजकल्याण माजी सभापती होते. गुन्हा दाखल झाल्यानंतर ते जवळपास पावणेदोन महिने फरार राहिले होते.
सध्या उच्च न्यायालयाच्या निर्णयामुळे तात्पुरता दिलासा मिळाला असला तरी पुढील न्यायालयीन प्रक्रियेवर सर्वांचे लक्ष आहे.
