अलिबाग(प्रतिनिधी): प्रभाकर पाटील एज्युकेशन सोसायटीच्या कला, वाणिज्य आणि विज्ञान महाविद्यालयातील इतिहास विभाग आणि राष्ट्रीय सेवा योजना विभाग यांच्या संयुक्त विद्यमाने २६ नोव्हेंबर रोजी “संविधान दिन” साजरा करण्यात आला.
कार्यक्रमाच्या सुरुवातीला महाविद्यालयाचे प्राचार्य डॉ. ओमकार पोटे यांच्या हस्ते भारतीय राज्यघटनेचे शिल्पकार डॉ. बाबासाहेब आंबेडकर आणि स्वराज्याचे संस्थापक छत्रपती शिवाजी महाराज यांच्या प्रतिमेस पुष्पहार अर्पण करून कार्यक्रमाची सुरुवात करण्यात आली.
इतिहास विभागाचे प्रा. साईनाथ पाटील यांनी सदरील कार्यक्रमाचे प्रास्ताविक केले त्यामध्ये भारतीय संविधानातील डॉ. बाबासाहेब आंबेडकरांची महत्वपूर्ण भूमिका स्पष्ट केली. यावेळी भारतीय संविधानाच्या उद्देशपत्रिकाचे सामूहिक वाचन करण्यात आले.
महाविद्यालयातील इतिहास विभागाचे विद्यार्थी श्रुती घरत, काजल पाटील आणि विशाल थळे यांनी भारतीय संविधानावर अभ्यासपूर्ण मनोगत व्यक्त केले.
कार्यक्रमाच्या अध्यक्षीय वक्तव्यामध्ये महाविद्यालयाचे प्राचार्य डॉ. ओमकार पोटे यांनी भारतीय संविधानावर विवेचन करत असताना भारतीय संविधानाने दिलेले अधिकार हे किती महत्त्वाचे आहेत यावर विद्यार्थ्यांसोबत संवाद साधला.
या कार्यक्रमाला महाविद्यालयातील वाणिज्य विभाग प्रमुख डॉ. रसिका म्हात्रे, विज्ञान विभाग प्रमुख प्रा. पूजा म्हात्रे, प्रा. वृषाली घरत, डॉ. अमृता कुमारी, प्रा. संजना पाटील, प्रा. संपदा शिंदे, प्रा. नितीन कराळे, राष्ट्रीय सेवा योजनेचे कार्यक्रमाधिकारी प्रा. मिलिंद घाडगे, प्रा. कैलास सिंग राजपूत तसेच महाविद्यालयातील प्राध्यापक, शिक्षकेतर कर्मचारी आणि विद्यार्थी मोठ्या संख्येने उपस्थित होते, कार्यक्रमाचे सूत्रसंचालन व आभार प्रा. मिलिंद घाडगे यांनी केले.
