नगरसेवक पदाचे उमेदवार संजय म्हात्रे व सुजाता डाकी यांना विजयी भव अशा शुभेच्छा
पेण (प्रतिनिधी) : पेण शहराच्या राजकीय गतिमान वातावरणात माजी आमदार जयंत पाटील यांच्या दौर्‍याने नवीन ऊर्जा संचारली. प्रभाग क्रमांक ३ मधील नगरसेवक पदाचे उमेदवार संजय म्हात्रे आणि सुजाता डाकी यांना त्यांनी आशीर्वाद देत विजयी होण्यासाठी मनःपूर्वक शुभेच्छा दिल्या.
माजी नगराध्यक्ष गुरुनाथ मांजरेकर यांच्या निवासस्थानी झालेल्या या सदिच्छा भेटीत माजी आमदार पाटील यांनी उमेदवारांसह कार्यकर्त्यांशी संवाद साधत निवडणूक तयारीचा आढावा घेतला. संजय म्हात्रे आणि सुजाता डाकी यांनी पुष्पगुच्छ देऊन भाई जयंत पाटील यांचे स्वागत केले.
या भेटीत बोलताना संजय म्हात्रे म्हणाले की, “भाई आपण पेण शहरात आलात, यामुळे आमच्यात नवसंजीवनी निर्माण झाली आहे. आपल्या प्रेरणेमुळे आम्हाला या निवडणुकीत अधिक बळ मिळत आहे.”
माजी भाई आमदार जयंत पाटील यांनी दोन्ही उमेदवारांना मनःपूर्वक शुभेच्छा देत, जनतेच्या अपेक्षांचा केंद्रबिंदू बनून प्रभागाच्या विकासासाठी कटिबद्ध राहण्याचे मौलिक मार्गदर्शन केले.
कार्यक्रमास गुरुनाथ मांजरेकर, संजय म्हात्रे, सुजाता डाकी, प्रकाश शिंगरूत, रवी जाधव, सचिन भोसले, गणेश पवार, निलेश गुजर आदी मान्यवर व कार्यकर्त्यांची उपस्थिती लाभली.
पेणच्या राजकीय धाग्यात नवचैतन्य निर्माण करणारी ही भेट निवडणुकीच्या पार्श्वभूमीवर महत्त्वपूर्ण ठरली.
