अलिबाग (प्रतिनिधी) : अलिबाग नगरपालिका निवडणूक प्रभाग क्रमांक ६बमध्ये अपक्ष उमेदवार सौ. उमा अनिरुद्ध आठवले (पल्लवी) यांना जनतेकडून उत्स्फूर्त प्रतिसाद मिळत आहे. ‘कप बशी’ हे त्यांचे निवडणूक चिन्ह जनमानसात पोहोचत असून प्रचाराला वेग आला आहे. प्रभागातील मूलभूत सुविधा, स्वच्छता, पाणीपुरवठा, रस्ते दुरुस्ती यांसारख्या महत्त्वाच्या मुद्द्यांवर उमा आठवले यांनी स्पष्ट भूमिका मांडल्यामुळे अनेक नागरिक त्यांच्याकडे आशेने पाहत आहेत.
उमा आठवले या प्रभागातील समस्या प्रत्यक्ष पाहून त्यावर ठोस उपाययोजना राबवण्याच्या भूमिकेत आहेत. जनतेसाठी प्रामाणिकपणे काम करण्याची त्यांची ओळख असल्याने स्थानिक महिला, युवक आणि ज्येष्ठ नागरिक यांच्याकडून त्यांना मोठा पाठिंबा मिळत आहे. मतदारसंघातील प्रत्येक कुटुंबाशी संपर्क साधून त्यांच्या अडचणी जाणून घेण्याची आणि त्यावर काम करण्याची हमी त्यांनी दिली आहे.
नागरिकांच्या हितासाठी पारदर्शक प्रशासन, सहज उपलब्ध जनसंपर्क आणि विकासकामांना गती देण्याच्या उद्देशाने उमा आठवले यांना विजय मिळवून द्यावा, असे आवाहन त्यांच्या प्रचार कार्यकर्त्यांकडून करण्यात येत आहे. प्रभाग क्रमांक ६बमध्ये विकासाचा नवा अध्याय सुरू करण्यासाठी ‘कप बशी’ या चिन्हावर मतदान करून उमा आठवले यांना भक्कम विजय मिळवून द्यावा, असा उत्साह मतदारांमध्ये दिसून येत आहे.
