भारतीय लष्कराने ‘ऑपरेशन सिंदूर’ सुरू केले आहे

दहशतवादी हल्ल्याचा बदला सुरू

भारतीय वायू दलाचे ऑपरेशन सिंदूर

पाकिस्तानाच्या 9 दहशतवादी तळांवर हल्ला

भारताचा पाकिस्तान मध्ये घुसून हल्ला

भारतीय लष्कराने ‘ऑपरेशन सिंदूर’ सुरू केले आहे, ज्यामध्ये पाकिस्तान आणि पाकव्याप्त जम्मू आणि काश्मीरमधील दहशतवादी तळांवर हल्ला करण्यात आला आहे.रात्री 1.30 च्या सुमारास ही कारवाई करण्यात आली. हे हल्ले बहावलपूर, कोटली आणि मुझफ्फराबाद येथे करण्यात आले आहेत. संरक्षण मंत्रालयाने याबाबत X वर पोस्ट करत माहिती दिली आहे.

संरक्षण मंत्रालयाने ऑपरेशन सिंदूरबाबत एक निवेदन जारी केले आहे. त्यात म्हटले आहे की, हिंदुस्थानी सशस्त्र दलांनी पाकिस्तान आणि पाकव्याप्त जम्मू आणि काश्मीरमधील (POK) दहशतवादी तळांना लक्ष्य केले आहे. जिथून हिंदुस्थानविरुद्ध दहशतवादी हल्ल्याची योजना आखली जात होती आणि आदेश दिले जात होते.

संरक्षण मंत्रालयाने पुढे म्हटले आहे की, “नऊ ठिकाणांना लक्ष्य करण्यात आले. आमच्या कृती प्रक्षोभक नसून केंद्रित आहेत. कोणत्याही पाकिस्तानी लष्करी ठिकाणाला लक्ष्य केलेले नाही. हिंदुस्थानने लक्ष्य निवडण्याच्या पद्धतीत खूप संयम दाखवला आहे. पहलगाम येथे झालेल्या क्रूर दहशतवादी हल्ल्याच्या पार्श्वभूमीवर ही पावले उचलण्यात आली आहेत, ज्यामध्ये 25 हिंदुस्थानी आणि एका नेपाळी नागरिकाचा मृत्यू झाला होता.”