रोहित शर्मा आणि विराट कोहली कसोटी सामन्यातून निवृत्त झाले ही बातमी आपण साऱ्यांनी वाचली आणि प्रत्येक क्रिकेट चाहता या बातमीवर वेगवेगळ्या प्रकारे प्रतिक्रिया सुद्धा देऊ लागला… पण यामागे नक्की कारण काय असा जेव्हा विषय समोर येतोय तेव्हा बीसीसीआयची धोरणे आणि साध्या मराठी भाषेत गल्लीच्छ पॉलिटिक्स यामुळे देशाने दोन दिग्गज आणि खोऱ्याने धावा आणि सोबतीला बोर्डाला पैसा मिळवून देणारे दोन धुरंधर गमावले याबाबत अनेकांचे एकमत आहे…
अलीकडे एकूणच जगात हेच चालू आहे… ज्याला उत्तम गाणे गाता येते त्याला तबला शिकायला सांगितले जाते..ज्याला उत्तम गाडी चालवता येते त्याला घरगडी केला जातो.. जिला उत्तम अकाऊंटिंग येते तिला पब्लिक रिलेशन मध्ये ट्रान्सफर देण्यात येते… आणि ज्याला उत्तम डॉक्टर म्हणून काम करता येते त्याला प्रशासकीय कामात लोकांच्या हजेरी घ्यायला ठेवले जाते… सध्या एकूणच आपल्या देशात हेच चालू आहे… आणि विशेष म्हणजे याला देशातील आयएएस सारखी व्यवस्था सुद्धा अपवाद ठरत नाही ते सुद्धा हेच करत आहेत..
त्यामुळे एकूणच आपण कुठे चाललो आहोत… आणि ही पोकळ आणि निरूपयोगी व्यवस्था निर्माण करणारे शिकून घे.. आणि सर्वांना सर्व आले पाहिजे.. किंवा आम्ही म्हणू तेच तुम्ही केले पाहिजे मग तुम्ही कुणीही किती कौशल्यप्रधान आणि गुणवान का असेना..यावर देशातील प्रतिभासंपन्न व्यक्तींचा सिस्टीम नावाची भयानक व्यवस्था गळा घोटत आहे.. वर्षानुवर्षे आपल्या देशात हेच चालू आहे… त्यामुळे एरव्ही सर्वोत्तम डॉक्टर्स.. उत्तम शिक्षक, चतुरस्त्र प्रशासकीय अधिकारी आणि दर्जेदार खेळाडू आपल्याला कधी मिळणार याबाबत आपली पाटी कोरी राहते…
पण बरं झाले रोहित आणि विराट हे दाखवून दिले आम्ही त्याच भारतीय मातीतले आहोत जिथे आमच्या आई आणि देवाला सोडून आम्ही कुणाला मुजरा करत नाही हे क्रूरकर्मा औरंगजेबाला त्याच्याच दरबारात ठणकावून सांगणारे छत्रपती शिवाजी महाराज घडले… ब्रिटिशांना त्यांच्याच भाषेत उत्तर कसे द्यायचे हे याच मातीतील महात्मा गांधीनी सांगितले आणि आपल्यावर अन्याय होत असेल तर कुणाच्या बापाची पर्वा न करता सिस्टीमला लाथाडून
थेट राजीनामा देऊन आपल्या लोकांनी आपल्याला डोक्यावर घेतले आहे हे सांगणारे सीडी देशमुख याप्रमाणेच आपल्या कर्तबगारीमुळे आपण येथे आहोत हे रोहित आणि विराटने दाखवून दिले… त्यामुळे त्यांचे विशेष अभिनंदन… रोहित आणि विराटच्या या निर्णयाने काम करणाऱ्या.. आपली गुणवत्ता दाखवणाऱ्या पण प्रसंगी सदैव कठोर परिश्रम आणि विचित्र पॉलिटिक्स यामुळे कंटाळलेल्या नव्या पिढीला मात्र थोडा आत्मविश्वास मिळेल.. की जोपर्यंत आपली इच्छा आहे.. तोपर्यंतच या सिस्टीम नावाच्या व्यवस्थेचा आदर करायचा ज्यादिवशी हीच सिस्टीम आपला बळी देण्याचा प्रयत्न करेल तेव्हा आम्ही जातो आपुल्या गावा…. आमचा रामराम घ्यावा हे कसे करून दाखवावे हे या दोघांनी जगाला पटून दाखविले….
लेखन : संदीप जगे
