अलिबाग (प्रतिनिधी) महाराष्ट्र राज्याचे सन्माननीय मंत्री नामदार आशिष शेलार यांच्या प्रमुख उपस्थितीत जिल्ह्यातील आगामी निवडणुकांच्या अनुषंगाने संघटनात्मक आढावा घेण्यासाठी जिल्हा कोअर कमिटी आणि मंडळ अध्यक्षांची स्वतंत्र बैठक पार पडली.
या बैठकीदरम्यान, POP गणेश मूर्तीकार यांचा जिव्हाळ्याचा आणि दीर्घकाळ प्रलंबित असलेला परंतु वादातीत विषय माननीय शेलार साहेबांच्या पुढाकारातून मार्गी लागला. या निर्णयाबद्दल मूर्तीकारांनी श्री गणेश मूर्ती आणि शाल-पुष्पगुच्छ देऊन मा. आशिष शेलार यांचे विशेष आभार मानले.
या प्रसंगी जिल्ह्यातील सर्व वरिष्ठ नेते व पदाधिकारी उपस्थित होते. बैठकीत आगामी काळातील निवडणूक रणनीती, संघटनात्मक बांधणी आणि स्थानिक प्रश्नांवर सखोल चर्चा झाली.
