अलिबाग (प्रतिनिधी): रायगड जिल्हा काँग्रेस कमिटीचे अध्यक्ष महेंद्रशेठ घरत यांच्या पुढाकाराने अलिबाग येथील हॉटेल रविकिरण येथे युवकांसाठी ,दोन दिवसीय निवासी प्रशिक्षण शिबिराचे आयोजन करण्यात आले. या शिबिरास मार्गदर्शन करण्यासाठी महाराष्ट्र प्रदेश काँग्रेस कमिटीचे अध्यक्ष मा. हर्षवर्धनजी सपकाळ हे अलिबागला आले होते.
सदर प्रसंगी अलिबाग तालुका काँग्रेस कमिटीचे माजी अध्यक्ष योगेश रामदास मगर यांनी सपकाळ यांचे पुष्पगुच्छ देऊन मनःपूर्वक स्वागत केले आणि संजय राऊत लिखित “नरकातला स्वर्ग” हे पुस्तक त्यांना भेट दिले.
या शिबिरात डाॅ. रामहरी रूपनवर, उल्हासदादा पवार, सचिन सावंत, प्रा. यशराज पारखी यांसारखे राज्यस्तरीय ज्येष्ठ व प्रभावी वक्ते प्रशिक्षणार्थींना मार्गदर्शनासाठी उपस्थित होते. त्यांनी युवकांना संविधान, सामाजिक समता, राजकारणातील जबाबदारी व काँग्रेसच्या विचारधारेबाबत सखोल माहिती दिली.
कार्यक्रमात महेंद्रशेठ घरत, राणी अग्रवाल, श्रीरंग बर्गे, श्रद्धा ठाकूर यांच्यासह काँग्रेस पक्षाचे असंख्य पदाधिकारी, कार्यकर्ते व युवक-युवती मोठ्या संख्येने सहभागी झाले होते. युवकांना संघटनात्मक कामकाज, नेतृत्व कौशल्य, व मूल्याधिष्ठित राजकारण यावर आधारित सत्रांचे नियोजन करण्यात आले.
युवकांना राजकीय सजगतेकडे वळवण्यासाठी आणि काँग्रेस पक्षाशी जुळवून घेण्यासाठी अशा शिबिरांची गरज असल्याचे मत यावेळी उपस्थित मान्यवरांनी व्यक्त केले.
