अलिबाग (प्रतिनिधी): पनवेल विमान हद्दीतील जागेत बदल करून मौजे देवघर येथील गुरुचरण जागा ७/१२ क्र ४६७ महाराष्ट्र शासन वनविभाग यांना कायम स्वरूपी देण्यात कलेक्टर यांनी हा गुरुचरण ताबेकब्जी रजिस्टर नोंद करून दिला आहे. मौजे देवघर ७/१२ क्र. ४६७ इतकेच क्षेत्र असणारा ग्रामपंचायत वरंडे मौजे देवघर येथील इतकेच क्षेत्रफळ गुरे ढोरे, शेळी मेंढी याकरिता उपयोगात असणारे क्षेत्रफळ आहे. देवघर गावचे पूर्ण उत्पनाचे साधन हे गुरे दूध दुपते, शेळीपालन या व्यवसायावर अवलंबून आहे व ग्रामस्थांचा स्थानिक विकास या गुरुचरणावर अवलंबून आहे. देवघर गावचे सर्वेक्षण करून गुरे शेळी मेंढी पालन याचा गांभीर्यपूर्वक सर्वेक्षण करून सदर ७/१२ परत करण्यात यावा व क्षेत्रफळ पूर्णपणे गुरचरण करून मिळावी याचसंदर्भात देवघरच्या ग्रामस्थांनी माजी आमदार पंडितशेठ पाटील यांची भेट घेतली मुंबई विमानतळासाठी जी वनक्षेत्राची जमीन अतिग्रहण करण्यात आली, त्याच्या बदल्यात फॉरेस्टला ४६७ क्रमांकाचा ७/१२ उतारा २०२० मध्ये कलेक्टर रायगड यांनी ग्रामस्थांना विश्वासात न घेता परस्पर फॉरेस्टला ट्रान्सफर केला.देवघर गावातील लोकांचा मुख्यव्यवसाय कुकुटपालन, मेंढीपालन असा आहे. अत्यंत गरीब वस्ती असलेला हा भाग आहे. ही जागा रायगड जिल्ह्यामध्ये श्रीवर्धन, रोहा, म्हसळा याठिकाणी महसूल विभागाची बरीच जागा शिल्लक असून ती जागा रद्द करावी आणि ग्रामस्थांना दिलासा द्यावा अशी मागणी देवघरकरांनी केली. याविषयी संबंधित मंत्र्यांसोबत मी भेट घेऊन चर्चा करेन व ग्रामस्थांना न्याय मिळवून देईन अशी प्रतिक्रिया पंडितशेठ पाटील यांनी मेट्रो रायगड शी बोलताना दिली.
