रायगड (प्रतिनिधी): भारतीय जनता पक्षाच्या दक्षिण रायगड महिला मोर्चाच्या जिल्हाध्यक्षपदी चित्राताई पाटील यांची निवड करण्यात आली असून, आज त्यांनी भाजपच्या जिल्हा कार्यालयात पदभार स्वीकारला.
हा क्षण चित्राताईंसाठी केवळ वैयक्तिक गौरवाचा नसून, महिला सशक्तीकरणाच्या दिशेने एक महत्त्वपूर्ण पाऊल असल्याचे त्यांनी सांगितले. या प्रसंगी भाजपचे ज्येष्ठ नेते गिरीश तुळपुळे व जिल्हा सरचिटणीस अॅड. महेश मोहिते हे उपस्थित होते. त्यांच्या मार्गदर्शनाचा आणि आशीर्वादाचा मला नेहमीच विश्वास आहे, असेही चित्राताईंनी नमूद केले.
पक्षाने दाखवलेल्या विश्वासाबद्दल त्यांनी मन:पूर्वक आभार व्यक्त करत, महिला मोर्चा बळकट करण्यासाठी, पक्षवाढीसाठी आणि समाजातील प्रत्येक महिलेला मुख्य प्रवाहात आणण्यासाठी पूर्ण समर्पणाने काम करणार असल्याचा निर्धार ‘मेट्रो रायगड’शी बोलताना व्यक्त केला.
