आरसीएफ एक्स एम्प्लॉईज वेल्फेअर असोसिएशन ची विशेष सर्वसाधारण सभा

अलिबाग रायगड: आरसीएफ थळ मधील सेवानिवृत्त कर्मचारी हे मुंबई येथील आरसीएफ एक्स एम्प्लॉईज वेल्फेअर असोसिएशन या संस्थेचे सभासद आहेत. ही असोसिएशन सेवानिवृत्त कर्मचाऱ्यांच्य विविध प्रश्न सोडवण्याकरता प्रयत्न करीत असते.  याचाच एक भाग म्हणून असोसिएशन तर्फे सेवानिवृत्त कर्मचाऱ्यांना वाढीव पेन्शन मिळणे बाबत खास मोहीम हाती घेण्यात आलेली होती. त्याद्वारे सुप्रीम कोर्टाच्या 2022 च्या निकालानुसार पात्र कर्मचाऱ्यांना वाढीव पेन्शन मिळण्याकरता ईपीएफओ कडे अर्ज भरण्यात आले होते.  परंतु आरसीएफ मधील काही कर्मचाऱ्यांचे हे अर्ज ईपीएफओ ने  कोणतेही कारण न देता नामंजूर केले आहेत. जर असे झाले तर हे सर्व कर्मचारी वाढीव पेन्शन मिळण्यास अपात्र ठरणार आहेत. त्यामुळे असोसिएशन नी याबाबत पुढील धोरण ठरवण्याकरता मुंबई आणि थळ येथील सेवानिवृत्त कर्मचाऱ्यांची विशेष सर्वसाधारण सभा घेतली . मुंबई येथील सभा ही दिनांक 13 एप्रिल रोजी झाली. थळ आरसीएफ मधील सेवानिवृत्त कर्मचाऱ्यांच्या साठी ही सभा आरसीएफ वसाहती मधील पंचकोनी गणेश मंदिरामध्ये दिनांक 16 एप्रिल 2025 रोजी आयोजित केली होती.  या सभे करता मुंबईहून आरसीएफ एक्स एम्प्लॉईज असोसिएशन तर्फे अध्यक्ष श्री सतीश देशपांडे,  जनरल सेक्रेटरी श्री मालुसरे,  श्री  पी एम दिघे, श्री बालसुब्रमण्यम व श्री राजेंद्र कासार तसेच इतर पदाधिकारी हजर होते .