सोगाव (अब्दुल सोगावकर) :अलिबाग तालुक्यातील चोंढी येथील किहीम ग्रामपंचायतीचे सरपंच प्रसाद उर्फ पिंट्या गायकवाड यांच्या निवासस्थानी ५ दिवसीय गणपतीचे दमदार आगमन झाले आहे. या गणपतीचे दर्शन घेण्यासाठी अनेक गणेशभक्त मान्यवर व ग्रामस्थ मोठ्या संख्येने येत आहेत. यावेळी विराजमान गणपतीचे दर्शन घेण्यासाठी मोठ्या संख्येने आलेल्या आदिवासी बांधवांच्या हस्ते आपल्या घरातील गणपतीची आरती करण्याचा मान सरपंच पिंट्या गायकवाड यांनी देत एक नवा सामाजिक आदर्श निर्माण केला आहे.
याप्रसंगी सरपंच पिंट्या गायकवाड यांनी सांगितले की, सर्व स्तरातील महिला व पुरुष आदिवासी भगिनी व बांधव हे माझ्या अगदी लहानपणापासून आमच्या कुटुंबाच्या प्रत्येक सुखदुःखात आवर्जून उपस्थित असतात, जरी ते आदिवासी बांधव असले तरी ते माझ्या कुटुंबातील एक मोठा भाग आहे, म्हणून आज मी त्यांना आपल्या घरातील गणपतीची आरती करण्याचा मान दिला आहे, असे शेवटी सांगितले.
