नवी दिल्ली:आताच्या घडीची मोठी बातमी समोर आली आहे. नर्मदा बचाव आंदोलनाच्या नेत्या आणि सामाजिक कार्यकर्त्या मेधा पाटकर यांना दिल्ली पोलिसांनी अटक केली आहे. उपराज्यपाल सक्सेना मानहानीबाबतच्या तक्रारीनंतर त्यांच्याविरोधात कोर्टाने अटक वॉरंट काढले होते, दिल्ली पोलिसांनी अटक केली आहे. निजामुद्दीन भागातून त्यांना ताब्यात घेतलं असून साकेत कोर्टामध्ये त्यांना हजर केलं जाणार आहे. मेधा पाटकर यांना नेमकी कशामुळे अटक झाली आहे जाणून घ्या.
दिल्लीचे विद्यमान राज्यापाल विनय कुमार सक्सेना यांच्या मानहानीच्या प्रकरणात पाटकर या दोषी आढळल्या होत्या. पाटकरांनी तात्काळ दिलासा आणि शिक्षेत सवलतीचा कायदेशीर गैरवापर केल्याच्या आरोपाखाली सत्र न्यायालयाने त्याच्याविरुद्ध अजामीनपात्र वॉरंट जारी केले आहे. २३ एप्रिलला त्यांना न्यायालयामध्ये हजर राहण्याचे आदेश देण्यात आलेले. मात्र त्या हजर राहिल्या नाहीत. पाटकरांना २३ वर्षे जुन्या प्रकरणात शिक्ष सुनावण्याती आली. पण त्यांच वय आणि आरोग्य लक्षात घेता त्यांना तुरुंगवासाच्या शिक्षेतून सूट देण्यात आली. पण नुकसानभरपाई आणि बॉन्ड भरण्याचे आदेश दिले गेले होते.
