अलिबाग(प्रतिनिधी) : कु.सम्राट ठाकूर यांनी या वर्षी दीपावलीचा सण अनोख्या पद्धतीने साजरा केला. फटाके, सजावट याऐवजी त्यांनी सामाजिक बांधिलकी जोपासत किहीम येथील आदिवासी मुलांना खाऊ वाटप केले. या उपक्रमातून त्यांनी आनंदाचा खरा अर्थ दाखवून दिला.
समाजसेवेची ही प्रेरणा त्यांना कै. माजी आमदार मधुकर ठाकूर आणि राजाभाऊ ठाकूर यांच्या कार्यातून मिळाली असून, त्यांच्या पावलावर पाऊल ठेवत सम्राट ठाकूर यांनी दिवाळीचा सण आनंद, प्रेम आणि सामाजिक सहभागाचा उत्सव बनवला.
स्थानिक नागरिकांनी त्यांच्या या उपक्रमाचे कौतुक करत, तरुण पिढीसाठी हे प्रेरणादायी उदाहरण असल्याचं मत व्यक्त केलं.
दीपावलीच्या प्रकाशात त्यांनी गरजूंच्या चेहऱ्यावर आनंदाची लखलख आणत सणाचा खरा हेतू उजळवला.
