रायगडात कॉंग्रेसला चांगले दिवस येतील……


अलिबाग (प्रतिनिधी): स्‍थानिक स्‍वराज्‍य संस्‍था निवडणूकीनंतर कॉंग्रेसला चांगले दिवस नक्‍की येतील. नगर पालिका निवडणूकीनंतर जिल्‍ह्यात कॉंग्रेसचे नगरसेवक पहायला मिळतील असा विश्‍वास कॉंग्रेसचे नेते राजाभाऊ ठाकूर यांनी व्‍यक्‍त केला. अलिबागमध्‍ये कॉंग्रेसने शेकापबरोबर आघाडी केली असून आघाडीला चांगले यश मिळेल असंही ते म्‍हणाले. अलिबागमध्‍ये कॉंग्रेस आणि शेकापमध्‍ये यशस्‍वी आघाडी घडवून आणण्‍याचा करीश्‍मा राजाभाऊ ठाकूर यांनी केला आहे. यावेळी कॉंग्रेसच्‍या प्रभारी राणी अग्रवाल यादेखील उपस्थित होत्‍या. राणी अग्रवाल यांनी आज कॉंग्रेसच्‍या अलिबागमधील उमेदवारांची भेट घेतली. त्‍यानंतर त्‍यांना ए बी फॉर्मचे वाटप करण्‍यात आले. रायगड जिल्‍ह्यात कॉंगेस सर्वच्‍या सर्व दहा नगरपालिकांच्‍या निवडणूका लढवत असून जवळपास 35 जागांवर उमेदवार उभे करत असल्‍याचे कॉंग्रेसच्‍या प्रभारी राणी अग्रवाल यांनी सांगितले.कॉंग्रेसच्‍या शिष्‍टमंडळाने आज शेकाप नेते जयंत पाटील यांचीही भेट घेतली यावेळी अलिबागमध्‍ये एक वर्षांसाठी कॉंग्रेसला उपनगराध्‍यक्षपद देण्‍याचे त्‍यांनी मान्‍य केल्‍याचे राणी अग्रवाल यांनी सांगितलं.