अलिबाग (प्रतिनिधी): सरळपूल येथे पारंपरिक बैलगाडी संघटनेतर्फे आयोजित करण्यात आलेल्या रोमांचक बैलगाडी शर्यतीत आद्य अमित नाईक यांनी पुन्हा एकदा आपला दबदबा कायम ठेवत प्रथम क्रमांक पटकावला. विशेष म्हणजे, आपल्या वाढदिवसाच्या निमित्ताने झालेल्या या स्पर्धेत विजय मिळवत त्यांनी प्रथम क्रमांकाची सलग तिसरी (हॅट्रिक) कामगिरी नोंदवली.
या शर्यतीत परिसरातील अनेक नामांकित स्पर्धकांनी सहभाग घेतला होता. सुरुवातीपासूनच चुरशीची लढत पाहायला मिळाली. मात्र, उत्कृष्ट नियोजन, बैलांची ताकद आणि अचूक नियंत्रण यांच्या जोरावर आद्य अमित नाईक यांनी प्रतिस्पर्ध्यांना मागे टाकत विजय मिळवला.
विजयानंतर परिसरात जल्लोषाचे वातावरण निर्माण झाले होते. मित्रपरिवार, नातेवाईक आणि ग्रामस्थांनी त्यांचे अभिनंदन करत शुभेच्छांचा वर्षाव केला. वाढदिवसाच्या दिवशी मिळालेल्या या यशामुळे आनंद द्विगुणित झाल्याची भावना अमित नाईक यांनी व्यक्त केली.
या यशाबद्दल बैलगाडी शर्यतीच्या आयोजकांनीही त्यांचे कौतुक करत पुढील वाटचालीसाठी शुभेच्छा दिल्या.
