अलिबाग(प्रतिनिधी): अलिबाग-मुरुड विधानसभा मतदारसंघातील राष्ट्रवादी काँग्रेस पक्षाचे अध्यक्ष आणि समाजभिमुख कार्यकर्ते अमित नाईक यांना यंदाचा “आदर्श सरपंच पुरस्कार 2025” घोषित करण्यात आला आहे. त्यांच्या प्रभावी नेतृत्वाखाली ग्रामविकास, स्वच्छता, महिला सक्षमीकरण, तसेच ग्रामपंचायतीच्या पारदर्शक कारभारासाठी त्यांनी घेतलेले पुढाकार विशेषत्वाने उल्लेखनीय ठरले.
ग्रामविकासात डिजिटल तंत्रज्ञानाचा वापर, पाणी व्यवस्थापन, शिक्षणात सुधारणा, पर्यावरणपूरक उपक्रम यामुळे त्यांनी संपूर्ण राज्यात एक आदर्श निर्माण केला आहे. त्यांच्या कामाची दखल घेत दैनिक पुढारीच्या वतीने हा पुरस्कार प्रदान करण्यात येणार आहे.
या यशाबद्दल विविध क्षेत्रातील मान्यवरांकडून अभिनंदनाचा वर्षाव होत आहे. ग्रामीण भागातील नेतृत्वाच्या नव्या प्रेरणास्त्रोत म्हणून अमित नाईक यांचं नाव आता अधिक उजळून निघालं आहे.









