अलिबाग (जितु शिगवण): भारताच्या ८० व्या स्वातंत्र्य दिनानिमित्त चिंतामणराव केळकर विद्यालयात स्वातंत्र्यदिनाचा सोहळा उत्साहपूर्ण आणि देशभक्तीमय वातावरणात पार पडला. या प्रसंगी शाळेचे अध्यक्ष अमर वार्डे यांच्या हस्ते राष्ट्रध्वजाचे ध्वजारोहण करण्यात आले. उपस्थित मान्यवर, शिक्षक, शिक्षकेतर कर्मचारी आणि विद्यार्थ्यांनी राष्ट्रध्वजाला मानवंदना देत राष्ट्रगीत गायले.
स्वातंत्र्यदिनाच्या निमित्ताने विद्यालयाच्या परिसरात देशभक्तीपर वातावरण निर्माण झाले होते. विद्यार्थ्यांनी मोठ्या उत्साहाने कार्यक्रमात सहभाग घेतला. यावेळी स्वातंत्र्यसैनिकांच्या त्यागाचे तसेच देशाच्या स्वातंत्र्यासाठी बलिदान देणाऱ्या वीरांचे स्मरण करण्यात आले.
कार्यक्रमात उपस्थित मान्यवरांनी विद्यार्थ्यांना स्वातंत्र्याचे महत्त्व, देशाप्रती असलेली जबाबदारी आणि राष्ट्राच्या प्रगतीत विद्यार्थ्यांची भूमिका याबाबत मार्गदर्शन केले. विद्यार्थ्यांनी देशभक्तीपर घोषवाक्ये आणि विविध उपक्रमांद्वारे स्वातंत्र्यदिनाचा उत्साह द्विगुणित केला.
यावेळी विद्यालयातील शिक्षक, शिक्षकेतर कर्मचारी, विद्यार्थी, पालक तसेच परिसरातील अनेक मान्यवर उपस्थित होते. उत्साहपूर्ण वातावरणात झालेल्या या कार्यक्रमामुळे विद्यार्थ्यांमध्ये देशप्रेमाची भावना अधिक दृढ झाली.
