सोगाव अलिबाग :अलिबाग तालुक्यातील वायशेत येथील थळ ग्रामपंचायतीचे माजी सरपंच रविंद्र परशुराम पाटील(वय ५३) यांचे बुधवार दि. २१ मे २०२५ रोजी सकाळी नवी मुंबईतील रुग्णालयात उपचार सुरू असताना अल्पशा आजाराने निधन झाले आहे. याबाबत सर्वत्र हळहळ व्यक्त करण्यात येत आहे.
रविंद्र पाटील हे तालुक्यात श्री. हनुमान प्रासादिक भजन मंडळ वायशेत नाका या मंडळाचे ते उत्तम भजनीबुवा म्हणून ओळखले जात होते, ते वायशेत येथील जीत उत्सव मंडळाच्या खजिनदार पदावर कार्यरत होते. हसतमुख व मनमिळाऊ स्वभाव असणारे रविंद्र पाटील हे जनमानसात परिचित होते. त्यांच्या अंत्यदर्शनासाठी व अंत्यसंस्कारासाठी राजकीय व सामाजिक क्षेत्रासह विविध क्षेत्रातील मान्यवर तसेच पंचक्रोशीतील सर्व स्तरातील महिला व पुरुष ग्रामस्थ मोठ्या संख्येने उपस्थित होते, त्यांच्या पार्थिवावर वायशेत येथील स्मशानभूमीत शोकाकुल वातावरणात अंत्यसंस्कार करण्यात आले. त्यांच्या पश्चात पत्नी एक विवाहित मुलगी व एक मुलगी व इतर मोठा परिवार आहे.
त्यांचे दशक्रिया विधी शुक्रवार दि. ३० मे रोजी तर तेरावे रविवार दि. १जून रोजी वायशेत येथील राहत्या घरी होणार आहेत. कोणत्याही प्रकारचा दुखवटा स्वीकारला जाणार नाही, असे त्यांच्या कुटुंबियांच्या वतीने सांगण्यात आले आहे.
